کوئٹہ : شدت پسندوں کے ہاتھوں فائرنگ سے شہید ہونے والے لانس نائیک کامران نواز کی نمازجنازہ ادا کردی گئی، سرگودھا رجمنٹ کے جوانوں نے سلامی دی۔

تفصیلات کے مطابق کوئٹہ کے علاقے دالبندین میں شدت پسندوں کی فائرنگ سے شہید ہونے والے لائنس نائیک کامران نواز کا تعلق شورکوٹ سے تھا، کوئٹہ سے میت آبائی شہر پہنچائی گئی، جہاں ان کی نماز جنازہ ادا کی گئی۔

شہید لانس نائیک کامران کو فوجی اعزاز کے ساتھ قبرستان عبد النبی میں سپرد خاک کر دیا گیا، پاک آرمی سرگودھا رجمنٹ کے جوانوں نے سلامی دی اور قبر پر چیف آف آرمی سٹاف قمر جاوید باجوہ کی جانب سے پھول چڑھائے۔

شہید کامران کے والد اور بھائی کا کہنا ہے کہ گیارہ سال سےفوج میں تعینات تھے، شہید کامران کو شہادت کا شوق تھا، جو پورا ہوا۔

مزید پڑھیں : کوئٹہ، نامعلوم افراد کی فائرنگ، دو سیکیورٹی اہلکار شہید

یاد رہے کہ  گذشتہ روز کوئٹہ میں دالبندین آر سی ڈی شاہراہ پر پولیس اہلکار معمول کی گشت پر تھے کہ نامعلوم موٹر سائیکل سواروں نے براہ راست فائرنگ کردی جس کے نتیجے میں دونوں اہلکارموقع پر ہی شہید ہوگئے تھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔