گلگت : شمالی وزیرستان میں دہشتگردوں کے حملے میں شہید ہونےوالے شہید سپاہی بشارت حسین کو فوجی اعزازکے ساتھ سپردخاک کردیا گیا۔
تفصیلات کے مطابق شمالی وزیرستان میں دہشتگردوں کےبزدلانہ حملےمیں شہید ہونے والے شہیدسپاہی بشارت حسین کا جسدخاکی گلگت پہنچایا گیا ، جہاں آبائی علاقے میں سپاہی بشارت حسین کی نمازجنازہ اداکردی گئی۔
دوسری جانب پاک دھرتی کی عظمت اور حرمت پر قربان ہونے والے سپاہی بشارت شہید کے والد کے حوصلے بلند ہیں، انکا کہنا ہے کہ بیٹے کی شہادت پر سر فخر سے بلند ہوگیا ہے۔
اس سے قبل شمالی وزیرستان میں دہشتگردوں کےبزدلانہ حملےمیں شہید ہونے والے سیکنڈ لیفٹیننٹ عبدالمعید کی نمازجنازہ پورے فوجی اعزازکے ساتھ ایوب اسٹیڈیم لاہورمیں ادا کی گئی، جس کے بعد کیولری گراؤنڈ قبرستان لاہور میں سپردخاک کردیا گیا۔
مزید پڑھیں : شمالی وزیرستان، 21سالہ سیکنڈ لیفٹیننٹ عبدالمعیداور سپاہی بشارت شہید
یاد رہے کہ شمالی وزیرستان میں فورسز کی گاڑی پر دہشتگردوں نے فائرنگ کی ، دہشتگردوں کی فائرنگ سے 21سالہ سیکنڈ لیفٹیننٹ عبدالمعید اور سپاہی بشارت شہید ہوگئے تھے۔
شہید لیفٹیننٹ عبدالمعید کا تعلق وہاڑی کے علاقے بورے سے تھا جبکہ شہید ہونیوالے اکیس سالہ سپاہی بشارت کا تعلق گلگت سے تھا۔
