اسلام آباد : اقوام متحدہ مشن کانگو میں شہید ہونے والے فوجی جوانوں کی نماز جنازہ چکلالہ گیریژن میں ادا کردی گئی۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل کی جانب سے جاری بیان میں کہا گیا ہے کہ شہید اہلکاروں کی نماز جنازہ میں آرمی چیف جنرل قمر جاوید باجوہ، حاضر و ریٹائرڈ فوجی افسران نے شرکت کی۔
آئی ایس پی آر کے مطابق اقوام متحدہ حکام اور شہداء کے اہل خانہ کی جانب سے بھی نماز جنازہ میں شرکت کی گئی۔
Namaz e Janaza of Shaheed officers & soldiers who embraced shahadat in a helicopter crash at United Nations Mission Congo was offered today at Chaklala Garrison. COAS, serving & retired military personnel including UN officials & relatives of shuhadas attended the funeral prayer pic.twitter.com/DbIwA2EwAd
— DG ISPR (@OfficialDGISPR) April 3, 2022
خیال رہے کہ 29 مارچ کو افریقی ملک کانگو میں پاک فوج کے ایوی ایشن یونٹ کے چھ اہلکار ہیلی کاپٹر ‘پوما’ حادثے میں شہید ہوگئے تھے، شہیدوں میں لیفٹیننٹ کرنل آصف، میجر سعد، معاون پائلٹ میجر فیضان علی، نائب صوبیدار سمیع اللہ خان، حوالدار محمد اسماعیل، کریو چیف محمد جمیل شامل ہیں۔
پاک فوج کے ایوی ایشن یونٹ کو اقوام متحدہ کے امن مشن پر سنہ 2011 میں تعینات کیا گیا تھا۔
