تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

مشتعل کسان نے کار کے ساتھ کیا کیا؟ ویڈیو دیکھ کر لوگ حیران

کاؤنٹی درہم: شمال مشرقی برطانیہ میں ایک مشتعل کسان نے گھر کے دروازے کے سامنے کھڑی کار کو کھودنے والی مشین کے ذریعے سڑک پر لے جا کر پھینک دیا، اس واقعے کی ویڈیو نے لوگوں کو حیران کر دیا ہے۔

یہ واقعہ شمال مشرقی برطانیہ کی کاؤنٹی درہم میں برناڈ کیسل نامی ٹاؤن میں پیش آیا، کسی نے  کسان کے گھر کے دروازے کے قریب گاڑی کھڑی کے راستہ بند کر دیا تھا، جسے دیکھ کر کسان بے حد مشتعل ہو گیا اور انتہائی قدم اٹھا لیا۔

طیش میں آئے ہوئے کسان رابرٹ ہوپر کے فارم میں کسی نے کار پارک کر دی تھی، اور اس نے دروازے کا راستہ بھی بند کر دیا تھا، اس نے زمین کھودنے والی گاڑی نکالی اور اس کے ذریعے کار کو الٹاتا ہوا سڑک پر لے گیا اور وہاں اسے پھینک دیا۔

اس واقعے کی ویڈیو اسنیپ چیٹ پر شیئر ہوئی، جسے دیکھ کر لوگ بہت حیران ہوئے، فوٹیج میں دیکھا جا سکتا ہے کہ بغیر شرٹ پہنے ایک شخص کار کو بچانے کی کوشش کر رہا ہے، ساتھ ہی غصے میں ٹریکٹر کو لاتیں مارتا ہوا ویڈیو بھی بنا رہا ہے۔

رپورٹس کے مطابق کسان نے ڈرائیور سے کار ہٹانے کے لیے بھی کہا تھا لیکن اس نے گاڑی نہیں ہٹائی، جس پر اس نے زمین کھودنے والی گاڑی نکالی اور اس کے ذریعے کار کو سڑک پر لے جاکر پھینک دیا۔

یہ بھی کہا جا رہا ہے کہ مذکورہ واقعے سے قبل دراصل نوجوانوں کے ایک ٹولے نے کسان کی پراپرٹی کو نقصان بھی پہنچایا تھا، اور یہ واقعہ اسی سے جڑا ہوا ہے۔

Comments

- Advertisement -