لاہور: ایک طرف جہاں وزیر اعظم نے چینی مافیا اور سٹے بازوں کے خلاف سخت اقدامات شروع کر دیے ہیں وہاں جہانگیر ترین نے ایک ٹوئٹ میں سٹے بازی کی وضاحت کر دی ہے۔
جہانگیر ترین نے ٹوئٹ میں کہا ہے کہ دنیا بھر میں کاروبار کے لیے فیوچر سیلز ایک معمول کا طریقہ ہے، معمول کی کاروباری سرگرمیوں میں مستقبل کے لیے مالی تحفظ کیا جاتا ہے۔
انھوں نے لکھا فیوچر سیلز کا سٹہ بازی سے کوئی تعلق نہیں ہوتا، جے ڈی ڈبلیو کے کھاتوں میں تمام فیوچر سیلز ڈیکلیئرڈ ہیں۔
Future sales are a normal
part of business activity all over the world. It is used to secure future cash flow for normal business activity. It has nothing to do with Satta. All such sales are declared in JDW accounts in their entirety.Stop the smear campaign. pic.twitter.com/nmt6iE3CZk
— Jahangir Khan Tareen (@JahangirKTareen) April 5, 2021
ادھر آج چینی کے سٹے بازوں کے خلاف وزیر اعظم عمران خان نے اعلان کر دیا ہے کہ اب کوئی سٹے باز نہیں بچے گا، اور عوام کو چینی سستے داموں ملے گی، وزیر اعظم نے سٹے بازوں کے خلاف ون ونڈو آپریشن قانون کی منظوری دے دی ہے۔
چینی سٹے بازوں کے مزید تہلکہ خیز انکشافات سامنے آگئے
وزیر اعظم کی زیر صدارت حکومتی و پارٹی ترجمانوں کے اجلاس میں عمران خان نے کہا شوگر مافیا کے خلاف پہلی بار جامع ایکشن ہو رہا ہے، سٹے بازوں کے خلاف سخت ایکشن لیا جا رہا ہے، رمضان میں عوام کو چینی سستے داموں میسر ہوگی۔