The news is by your side.

Advertisement

بھارت کی شکست پر ڈمی جی ڈی بخشی آگ بگولہ ہوگئے، مزاحیہ ویڈیو وائرل

کراچی : بھارت کے مشہور دفاعی تجزیہ کار ڈمی جی ڈی بخشی اے آر وائی نیوز کے پروگرام ہر لمحہ پرجوش میں غصے سے آگ بگولہ ہوگئے جنہیں دیکھ کر ناظرین بہت محظوظ ہوئے۔

بھارتی ٹی وی چینلز پر بیٹھ کر انتہائی بھونڈے انداز میں پاکستان کے خلاف ہرزہ سرائی کرنے والے بھارتی آرمی کے ڈمی  سابق جنرل (ر) گگن دیپ بخشی (جی ڈی بخشی)  اے آر وائی کے پروگرام میں بے سروپا چیخنے چلانے لگے۔

بھارتی دفاعی تجزیہ نگار جی ڈی بخشی جو نام نہاد اپنی شعلہ بیانی سے مشہور ہیں اے آر وائی نیوز کے پروگرام ہر لمحہ پرجوش میں ان کا کہنا ہے کہ آج میں اپنی سینا (فوج) کے جوانوں کے ساتھ مل کر اِن کھلاڑیوں کے گھر جلا دوں گا۔

وسیم بادامی کی میزبانی میں ہونے والے پروگرام میں جنرل جی ڈی بخشی کے بولنے کے انداز پر معروف فنکار مصطفیٰ چوہدری نے ان کی بہت شاندار ممیکری کی جسے دیکھ کر ناظرین ہنسی سے لوٹ پوٹ ہوگئے۔

اس پروگرام میں حالیہ پاک بھارت کرکٹ میچ کے بعد بھارتی عوام کے رونے دھونے پر مزاحیہ انداز میں تنقید کی گئی، اس پروگرام میں جس طرح مزاحیہ انداز میں جی ڈی بخشی اور بھارتی میڈیا کی کلاس لی گئی ہے وہ بھی قابل دید ہے۔

واضح ہے کہ جی ڈی بخشی پاکستان مخالف جذبات بھڑکانے میں ماہر سمجھے جاتے ہیں وہ ہر بھارتی ٹی وی چینل پر بیٹھ کر نہ صرف پاکستان کے ساتھ جنگ کیلئے جذبات بھڑکاتے رہتے ہیں بلکہ ان کا بولنے کا انداز اتنا جارحانہ ہے کہ ان کی چیخ و پکار کے باعث پروگرام کے اکثر شرکاء کا ان کے ساتھ جھگڑا بھی ہوجاتا ہے۔

Comments

یہ بھی پڑھیں