ریاض : سعودی سول ایوی ایشن نے کورونا کی وجہ سے معطل فلائٹس پر ٹکٹس ریفنڈ کرنے کا اعلان کرتے ہوئے کہا مسافر کورقم واپس لینے اور سفر کیلئے سہولت فراہم کی جائے۔
تفصیلات کے مطابق سعودی سول ایوی ایشن گاگا نے مسافروں کے لیے بڑا فیصلہ کرتے ہوئے کہا ہے کہ کوروناکی وجہ سےمعطل فلائٹس پرٹکٹس ریفنڈ کئے جائیں اور کوئی بھی اضافی چارجز مسافروں سےوصول نہ کئے جائیں۔
،سعودی ایوی ایشن کا کہنا تھا کہ مسافر کورقم واپس لینے اور سفر کیلئے سہولت فراہم کی جائے ، اس حوالےسے ائیرلائن مسافروں کو واچرز جاری کریں۔
گاگا نے واضح کیا کہ ائیرلائنز کسی قسم کے چارجز وصول نہیں کرسکتی ، خلاف ورزی کرنیوالی ایئرلائنز کیخلاف کارروائی کی جائے گی۔
یاد رہے سعودی حکومت نے سفری اجازت کے حامل ممالک کے مسافروں کے لیے نیا ہدایت نامہ جاری کیا تھا ، جس کے تحت ورک ویزا اور رہائشی پرمٹ رکھنے والے مسافر براہ راست سعودی عرب جاسکیں گے۔
سعودی ایوی ایشن(گاکا) کا کہنا تھا کہ ایئرلائنز مسافروں کی منظور شدہ ادارہ قرنطینہ سہولیات میں سے کسی ایک پر تصدیق شدہ بکنگ کا ثبوت یقینی بنائیں۔
گاکا نے سعودی ورک ویزا اور رہائشی پرمٹ ہولڈر مسافروں کو ہدایت کی ہے کہ جہاز پر سوار ہونے اور بورڈنگ کارڈ سے قبل کیو آر کارڈ دکھائیں، تمام ایئرلائنز کے لیے آرائیول پلیٹ فارم پر مسافروں کی رجسٹریشن کی تصدیق ضروری ہے، ایسے مسافروں کو ادارہ جاتی قرنطینہ سے مستثنیٰ قرار دیا جائے گا۔
