قومی ٹیم کے کپتان بابر اعظم نے سری لنکا کے خلاف دوسرے ٹیسٹ میں شکست کی وجہ خراب بیٹںگ قرار دے دی۔
تفصیلات کے مطابق قومی ٹیم کے کپتان بابر اعظم نے میچ کے بعد گفتگو کرتے ہوئے کہا کہ دوسرے ٹیسٹ میں شکست خراب بیٹنگ کی وجہ سے ہوئی۔
انہوں نے کہا کہ سری لنکن اسپنرز نے شاندار بولنگ کرکے ہمیں دباؤ میں رکھا، جے سوریا کو کریڈٹ دینا چاہیے جنہوں نے عمدہ بولنگ کی۔
🗣️ Pakistan captain @babarazam258 gives his assessment of the team's performance in the second Test#SLvPAK | #BackTheBoysInGreen pic.twitter.com/92BDzXRX3Z
— Pakistan Cricket (@TheRealPCB) July 28, 2022
انہوں نے کہا کہ اب فوکس نیدرلینڈز کے خلاف ون ڈے سیریز پر ہوگا کوشش ہوگی کہ خود کو مختصر وقت میں ون ڈے اور ٹی ٹوئنٹی کے مطابق ڈھالیں۔
مزید پڑھیں: گال ٹیسٹ: سری لنکا نے پاکستان کو شکست دے دی
بابر اعظم نے کہا کہ ٹیسٹ سیریز میں ہم نے مثبت کھیل پیش کیا کوشش ہوگی کہ اسی اعتماد کے ساتھ آگے بڑھیں۔
واضح رہے کہ سری لنکا نے دوسرے ٹیسٹ میچ میں پاکستان کو 246 رنز سے شکست دے دی ہے۔
سری لنکا نے پہلی اننگز میں 378 رنز اسکور کیے تھے جس کے جواب میں پاکستان اپنی پہلی اننگز میں 231 رنز بنا سکا تھا جبکہ سری لنکا نے اپنی دوسری اننگز 360 رنز 8 کھلاڑی آؤٹ پر ڈکلیئر کرتے ہوئے پاکستان کو 508 رنز کا ہدف دیا تھا۔
