کراچی : شہر قائد سے کاریں چھیننے والے گینگ کے 6 ملزمان کو گرفتار کرکے چوری کی گئی دو کاریں برآمد کرلیں۔
تفصیلات کے مطابق کراچی میں اینٹی کار لفٹنگ سیل اورنگی اور گلستان جوہرڈویژن نے کارروائیوں میں شہر سے کاریں چھیننے والے گینگ کے 6 ملزمان کو گرفتار کرلیا۔
پولیس نے بتایا کہ کارلفٹر گینگ سے سرجانی ٹاؤن اور گلستان جوہر سے چوری کی گئی دو کاریں برآمد کرلیں، ملزمان میں فرقان علی، غلام اصغر، عجب گل، معراج حسین، منصور خان اور یار محمد شامل ہیں۔
حکام کا کہنا تھا کہ ملزمان کےساتھیوں کی گرفتاری اورمزیدگاڑیوں کی بر آمدگی کیلئےچھاپے مارے جارہے ہیں۔
مزید پڑھیں : کراچی کے معروف شاپنگ مال کی پارکنگ سے چوری ہونے والی سرکاری گاڑی میرپور خاص سے برآمد
یاد رہے چند ہفتے قبل کراچی میں بوٹ بیسن پولیس نے اے وی ایل سی کے ہمراہ میرپور خاص میں چھاپہ مار کر کلفٹن بلاک 4 سے چوری ہونے والی سرکاری گاڑی برآمد کرلی تھی۔
ایس پی کلفٹن ماجدہ پروین نے بتایا تھا کہ کارروائی کے دوران کارچوری میں ملوث 2 ملزمان کو کار کلفٹن کے معروف شاپنگ مال کی پارکنگ سے چوری ہوئی تھی۔
ان کا کہنا تھا کہ گاڑی سندھ حکومت کے محکمہ ایم ایس ڈی پی کے چیف انجینئر کی تھی تاہم شک کی بنیاد پر پہلے کار کے پرائیویٹ ڈرائیور ریاض کو حراست میں لیا تو دوران تفتیش ڈرائیور نے خود کار چوری کرانے کا انکشاف کیا۔
