کراچی : کم عمربچوں کے ساتھ زیادتی اور اس کی ویڈیوز بنانے والے چھ رکنی گینگ کو گرفتار کرکے تین بچوں کو بازیاب کرالیا گیا۔
تفصیلات کے مطابق کراچی کےعلاقے اورنگی میں پولیس نے کارروائی کرتے ہوئے 10 سے 14 سال کو جنسی زیادتی کا نشانہ بنانے والے چھ رکنی گروہ کو پکڑلیا۔
ایس پی اورنگی نے بتایا کہ مختلف کارروائی میں 3کم عمربچے بازیاب کراکر گینگ کے3کارندوں کو بھی گرفتار کیا۔
ان کا کہنا تھا کہ گینگ بچوں کی ویڈیوز بناکر علاقے میں فحاشی کے لیے سپلائی کرتا تھا، علاقے کے بچوں کو 200 سے 300 روپے دیے جاتے تھے۔
پولیس حکام نے کہا کہ 11 مئی کوایک بچہ لاپتہ ہوا، جس کے بعد کیس کی تحقیقات میں گینگ سےمتعلق انکشاف ہوا، ملزم نثار بچوں کو 100 سے 200 روپے دے کر گیم سے اپنے ساتھ لے جاتا تھا۔
حکام کے مطابق ملزم بچوں کواپنےپاس رکھتا ،ان سےزیادتی کرتا اور آگےسپلائی کردیتاتھا،گروہ کے کارندے پولیس سے بچنے کے لیے بچوں کو ان لائن موٹر سائیکل رائڈرز بن کر ایک علاقے سے دوسرے علاقے لے جایا کرتے تھے۔
ایس پی اورنگی نے مزید بتایا کہ اورنگی ٹاؤن، سائیٹ ایریا، بنارس، شیر شاہ کے علاقوں میں 12سے14سال عمرکےبچوں کو اس کام کے لیے استعمال کیا جاتا تھا تاہم گرفتار ملزمان کے موبائل فون سے بچوں کی کئی غیر اخلاقی ویڈیوز بھی برامد کی گئی ہیں۔
