برطانیہ میں شیفلڈ کراؤن کورٹ نے کم عمر لڑکیوں سے جنسی زیادتی کے جرم میں ملوث گینگ کے 7 ارکان کو قید کی سزا سنا دی۔
غیر ملکی ذرائع ابلاغ کے مطابق برطانیہ کے ٹاؤن رودرہم میں ملزمان نے 2 نوعمر لڑکیوں کو اپنی ہوس کا نشانہ بنایا تھا، عدالت کی جانب سے جرائم کا ارتکاب کرنے والے 7 افراد کو 106 سال قید کی سزا سنادی گئی۔
رپورٹس کے مطابق زیادتی کا نشانہ بنائی گئی دونوں لڑکیوں کی عمر 11 سے 15 سال کے درمیان تھی جبکہ ملزمان زیادتی سے قبل انہیں شراب اور منشیات بھی دیتے تھے۔
میڈیا رپورٹس کے مطابق ملزمان کو نیشنل کرائم ایجنسی کی تحقیقات کے بعد شیفلڈ کراؤن کورٹ کی جانب سے سزا سنائی گئی تھی۔ زیادتی کے واقعات 2000 کی دہائی میں ہوئے تھے۔
دوسری جانب بھارت میں خواتین کو مبینہ زیادتی کے بعد بے دردی سے قتل کرنے والے سیریل کِلر کو پولیس نے گرفتار کر لیا۔
بھارتی میڈیا کے مطابق ریاست اتر پردیش کے ضلع بریلی میں پولیس نے ایک ایسے سیریل کِلر کو گرفتار کیا ہے جس نے کم از کم 6 خواتین کو ایک ہی طریقے سے گلا گھونٹ کر قتل کرنے کا اعتراف کیا ہے۔
رپورٹ کے مطابق پولیس نے 35 سالہ کلدیپ کمار گنگوار نامی شخص کو گرفتار کیا ہے، جس پر الزام ہے کہ اس نے 9 خواتین کو جنسی زیادتی کا نشانہ بنانے کے بعد انتہائی بے دردی سے قتل کیا۔
مس سوئٹزرلینڈ فائنلسٹ کو شوہر نے قتل کر کے بلینڈر میں ڈال کر جوس بنادیا
بتایا جاتا ہے کہ بریلی میں گزشتہ 14 ماہ کے دوران 9 خواتین لاپتہ ہونے کے بعد قتل کی گئیں اور ان کی لاشیں کسی کھیت یا ویران جگہوں سے ملیں اور انہیں ایک ہی طریقے سے گلا دبا کر قتل کیا گیا تھا۔
