عجمان :‌رقم ڈبل کرنے کا لالچ دے کر لوٹنے والے گروہوں گرفتار doubled-money
The news is by your side.

Advertisement

عجمان :‌رقم ڈبل کرنے کے بہانے عوام کو لوٹنے والے گروہ گرفتار

عجمان : پولیس نے سادہ لوح شہریوں کو کالے جادو کی مدد سے رقم ڈبل کرنے کا لالچ دے کر لوٹنے والے دو گروہوں کو گرفتار کرکے لاکھوں جعلی نوٹ ضبط کرلیے ہیں۔

تفصیلات کے مطابق متحدہ عرب امارات کی ریاست عجمان کی پولیس کے کرمنل انوسٹی گیشن ڈپارٹمنٹ (سی آئی ڈی) نے ایک روز قبل کارروائی کرتے ہوئے کہ شہریوں کو دھوکا دہی سے لوٹنے والے دو گروہوں کو گرفتار کرلیا ہے۔

اماراتی خبر رساں ادارے کا کہنا ہے کہ کہ حراست میں لیے گئے ملزمان عوام کو دھوکا دینے کے لیے دعویٰ کرتے تھے کہ وہ کالے جادو کی مدد سے پیسے ڈبل کردیں گے۔

عجمان پولیس کا کہنا ہے کہ اہلکاروں نے گینگ سمیت دو افریقی سیاح فام شہریوں کو بھی گرفتار کرکے جعلی نوٹ ضبط کرلیے ہیں۔

سی آئی ڈی کے ڈپٹی ڈائریکٹر میجر محمد یافور الغافلی کا کہنا ہے کہ ملزمان سادہ لوح افراد کو کالے جادو کے ذریعے پیسے ڈبل کرنے کا جھانسہ دے کر لوٹتے تھے۔

مقامی میڈیا کا کہنا تھا کہ پولیس کو ملزمان کی غیر قانونی سرگرمیوں کے متعلق خفیہ اطلاعات موصول ہوئی تھی جس کے بعد س آئی ڈی نے اپنے ایجنٹ کو ملزمان کے پاس عام شہری کے روپ میں بھیجا تاکہ گروہ کے باری معلومات حاصل کی جاسکیں۔

پولیس کا کہنا ہے کہ مذکورہ گینگ کے افراد شہریوں کو رقم ڈبل کرنے کے بہانے جعلی نوٹ تھما رہے تھے۔ پولیس نے ملزمان کو رنگے ہاتھوں گرفتار کرکے لاکھوں جعلی نوٹ برآمد کرلیے۔

اماراتی حکام کا کہنا تھا کہ ملزمان متحدہ عرب امارات میں غیر قانونی طور پر مقیم تھے۔

میجر محمد یافور الغافلی نے کہا ہے کہ عوام ایسے دھوکے بازوں سے ہوشیار رہے اور ایسی کوئی بھی غیر قانونی سرگرمی کے متعلق فوری پولیس کو اطلاع دیں۔

Comments

comments

یہ بھی پڑھیں