بھارتی شہر پونے میں بدنامِ زمانہ گینگسٹر شرد موہول کواس کے اپنے ہی گینگ کے ارکان نے فائرنگ کرکے قتل ہلاک کردیا۔
غیر ملکی ذرائع ابلاغ کے مطابق گزشتہ روز تین سے چار حملہ آوروں نے 40 سالہ موہول پر فائرنگ کرکے اسے موت کی نیند سلا دیا، جس کے باعث پولیس نے 8 ملزمان کو حراست میں لے لیا ہے۔
بھارتی پولیس ذرائع کا اس حوالے سے کہنا ہے کہ ایک گولی شرد موہول کے سینے میں لگی اور دو گولیاں دائیں کندھے میں لگیں، شرد موہول زخموں کی تاب نہ لاتے ہوئے ایک نجی اسپتال میں دم توڑ گیا۔
مقامی پولیس کے مطابق قتل ہونے والے گینگسٹر کے خلاف متعدد مقدمات درج تھے، پولیس نے شبہ ظاہر کیا ہے کہ اس قتل کا سبب گینگ کے اندر زمین اور پیسے سے متعلق تنازعہ ہو سکتا ہے۔
الکا لامبا مہیلا کانگریس کی نئی صدر منتخب
پولیس کے مطابق مذکورہ واقعے میں ملوث 8 مشتبہ افراد کو گرفتار کیا گیا ہے اور ان کے پاس سے تین پستول، تین میگزین اور خطرناک اسلحہ برآمد کیا گیا ہے۔
