تربت: بلوچستان میں پیش آیا افسوس ناک واقعہ جہاں گیس سلنڈر پھٹنے کے نتیجے میں 19 افراد زخمی ہوگئے۔
تفصیلات کے مطابق بلوچستان کے شہر تربت میں گیس سلنڈر پھٹنے کے باعث 19 افراد زخمی ہوگئے، زخمیوں کو اسپتال منتقل کیا جارہا ہے۔
تربت کے علاقے شاہ بوک گوٹھ کے قریب ایک تقریب جاری تھی کہ اچانک سلنڈر پھٹنے کا واقعہ پیش آیا، حادثے کے زخمیوں کو طبی امداد کے لیے اسپتال منتقل کیا جارہا ہے۔
اٹک: اسپتال میں سلنڈر دھماکا، چھ افراد جاں بحق
اس سے قبل کراچی میں گیس سلنڈر پھٹنے کا واقعہ پیش آیا تھا۔
خیال رہے کہ گذشتہ ماہ کراچی کے علاقے شیر شاہ میں جناح روڈ پر دکان میں سلنڈر پھٹنے سے 2 افراد جاں بحق جبکہ 6 زخمی ہوگئے تھے۔
یاد رہے کہ رواں سال جنوری میں اٹک کے ڈسٹرکٹ اسپتال میں ہونے والے سلنڈر دھماکے میں چھ افراد جاں بحق اور متعدد زخمی ہوگئے تھے، دھماکے سے عمارت کا ایک حصہ منہدم ہوگیا تھا۔
واضح رہے کہ ماضی میں متعدد بار سلنڈر پھٹنے کے واقعات پیش آچکے ہیں جس کے باعث درجنوں جانیں ضایع ہوچکی ہیں۔
