جدہ: سعودی عرب کے بعض شہروں میں گیس سیلنڈر سروس فراہم کرنے والوں نے نرخ بڑھا دیے ہیں۔
تفصیلات کے مطابق جدہ شہر میں گھریلو صارفین کا کہنا ہے کہ 25 ریال میں ملنے والا گیس سیلنڈر اب سروس فراہم کرنے والوں نے مہنگا کر کے 30 ریال کر دیا ہے۔
المدینہ اخبار کے مطابق ہوم ڈلیوری سروس میں یہ اضافہ گیس سیلنڈر کی قیمت بڑھنے کے بعد دیکھنے میں آ رہا ہے، پہلے گیس سیلنڈر 17.25 ریال میں مل رہا تھا، اب اس کی قیمت 18.85 ریال ہو گئی ہے، اور ہوم سروس والوں نے ایک سیلنڈر کی قیمت 25 ریال کی بجائے 30 ریال وصول کرنا شروع کر دیے ہیں۔
خیال رہے کہ سعودی عرب کے بڑے شہروں میں چھوٹے ٹرکوں کے ذریعے گیس سیلنڈر گھروں تک سپلائی کیے جا رہے ہیں، جس کے بعض صارفین کا کہنا ہے کہ کمپنی نے گیس کی قیمت 1.60 ھللہ بڑھائی ہے مگر چھوٹے ٹرکوں پر گھروں میں سیلنڈر سپلائی کرنے والوں نے فی گیس سیلنڈر قیمت 11 ریال بڑھا دی ہے۔
صارفین نے مطالبہ کیا ہے کہ گھروں میں سیلنڈر فراہم کرنے والوں کی گرفت کی جائے اور انھیں سلامتی وسائل کا بھی پابند بنایا جائے۔
