مریدکے: گھر میں گیس لیکیج سے اچانک آگ بھڑک اٹھی جس کے باعث جھلس کر 2 بچے زخمی پوگئے، بچوں کو حالت تشویشناک ہے۔
تفصیلات کے مطابق مریدکے میں واقع ایک گھر میں گیس لیک ہورہی تھی، اہلخانہ کو اس لیکج کا بروقت پتہ نہ چل سکا، جس کے باعث آگ بھڑک اٹھی اور گھر میں موجود دو کمسن بچے بری طرح جھلس گئے۔
ریسکیوحکام نے بتایا کہ زخمیوں کو ٹی ایچ کیو اسپتال سے تشویشناک حالت میں لاہور منتقل کردیا گیا ہے، زخمی ہونے والے 4 سالہ رضوی، 3 سالہ انس نواحی گاؤں کے رہائشی ہیں۔
کراچی : گیس لیکیج سے گھر میں دھماکا، 3 بچوں سمیت 4 افراد جھلس گئے
کچھ سالوں قبل ایبٹ آباد میں بھی گھر میں گیس لیکیج کے باعث ماں اور 4 کمسن بچے جاں بحق ہوگئے تھے، ایبٹ آباد کے نواں شہر تھانے کی حدود میں گھر میں گیس لیکیج کے باعث ماں اور دو کمسن بیٹیاں اور بیٹے جان سے گئے تھے۔
پولیس کا کہنا تھا کہ ماں اور چار کمسن بچوں کی موت گیس کے باعث دم گھٹنے سے ہوئی ہے جبکہ والد کو تشویش ناک حالت میں اسپتال منتقل کردیا گیا تھا، جاں بحق خاتون کی شناخت شمیم بی بی کے نام سے ہوئی تھی۔
