کراچی: سوئی گیس کی لوڈ شیڈنگ، شہری پریشان
The news is by your side.

Advertisement

کراچی: متعدد علاقوں میں گیس کی لوڈ شیڈنگ، شہری پریشان

کراچی: شہر قائد میں گیس کی لوڈشیڈنگ شروع ہوگئی، کئی علاقوں‌ میں گیس کا پریشر کم ہونے کی وجہ سے شہریوں‌ کو شدید پریشانی کا سامنا کرنا پڑا.

تفصیلات کے مطابق موسم سرما شروع ہوتے ہی کراچی کےمتعدد علاقوں میں گیس کی لوڈشیڈنگ شروع ہوگئی. چند علاقوں‌ میں گیس کا پریشر گر گیا، جب کہ کہیں کہیں گیس کی فراہمی معطل ہوگئی.

اطلاعات کے مطابق گلشن اقبال کے تمام بلاکس، گلستان جوہر اور اسکیم 33 میں گیس کی فراہمی بند ہے.

گلشن معمار، احسن آباد، اوٹاوا، نیوکراچی، نارتھ کراچی، ناظم اباد کے مختلف علاقوں میں بھی گیس کی فراہمی میں‌ تعطل کی شکایات موصول ہوئیں.

شہر کے دیگرعلاقوں سے بھی گیس پریشرمیں کمی کی اطلاعات ہیں، جس کی وجہ عوام کو مشکلات درپیش ہیں.


مزید پڑھیں: ہفتے کو بھی کراچی سمیت سندھ بھر میں سی این جی اسٹیشنز کو گیس کی فراہمی بند


اس ضمن میں‌ ترجمان ایس ایس جی سی کا موقف بھی سامنا آیا ہے، جس کے مطابق ایس ایس جی سی سسٹم میں پریشرکی کمی ہوئی ہے، جس کے باعث کچھ علاقو ں میں مختصرمدت تک گيس کاپریشرکم رہے گا.

ترجمان ایس ایس جی سی نے گیس کی جلد بحالی کی یقین دہانی کروائی ہے.

واضح رہے کہ کراچی میں سی این جی کی فراہمی کا شیڈول بھی تبدیل ہوا ہے، جس کی وجہ سے ہفتے کے روز اسٹیشن بند رکھے جائیں‌ گے.

Comments

comments

یہ بھی پڑھیں