The news is by your side.

Advertisement

گیس کی قیمتوں میں 63 فیصد کا ہوشربا اضافہ

اسلام آباد: حکومت نے صارفین کے لئے گیس کی قیمتوں میں 10 سے 63 فیصد کا ہوشربا اضافہ کردیا ہے۔

تفصیلات کے مطابق گیس کی نئی قیمتوں کا نوٹیفیکیشن آج بروز پیر وفاق کی جانب سے جاری کیا جس نے مہنگائی کے مارے عوام کی کمر توڑدی ہے۔

نوٹیفیکیشن کے مطابق گھریلو صارفین کے لئے گیس کی قیمتوں میں 13 فیصد اضافہ کیا ہے جبکہ کمرشل صارفین کے لئے گیس کی قیمتوں میں 10 فیصد اضافہ کیا گیا۔

صنعتی صارفین کے لئے حکومت نے گیس 22 فیصد مہنگی کردی ہے جبکہ پاور سیکٹر کے لئے بھی گیس 22 فیصد مہنگی کی گئی ہے۔

گیس کی قیمتوں میں اضافے نے سب سے زیادہ فرٹیلائزر سیکٹر کو متاثر کیا ہے جن کے لئے سب سے زیادہ یعنی 63 فیصد کا ہوشربا اضافہ کیا ہے۔

نئی قیمتی کا اطلاق تینوں طرح کے صارفین پر 1 ستمبر 2015 سے ہوگا۔

واضح رہے کہ حکومت نے آج عالمی مارکیٹ میں پٹرولیم مصنوعات کی گرتی ہوئی قیمتوں کے سبب پٹرول اور ڈیزل کی قیمتوں میں محض 3 روپے کمی کی ہے جبکہ اوگرا کی جانب سے 6.16 روپے کی کمی کی سمری وزیراعظم کو ارسال کی گئی تھی۔

Comments

comments

یہ بھی پڑھیں