کراچی: سوئی سدرن انتظامیہ نے شہر قائد میں گیس کی بندش کا اعلان کردیا، حکام کا کہنا ہے کہ مرمتی کام کے باعث آدھے کراچی میں 24 گھنٹے کیلیے گیس کی فراہمی بند رہے گی۔
سوئی سدرن حکام کے مطابق کل بروز اتوار کی صبح سے نصف شہر میں24گھنٹے تک گیس کی سپلائی معطل رہے گی۔
حکام کا کہنا ہے کہ ٹرانسمیشن پائپ لائن جوڑنے کےکام کے باعث گیس سپلائی معطل کی جائے گی،28جولائی کی صبح5بجے سے29جولائی کی صبح5بجے تک گیس فراہم نہیں کی جائے گی۔
ترجمان سوئی سدرن کے مطابق گھریلو صارفین کے ساتھ ساتھ صنعتی صارفین کے لیے بھی گیس بند ہوگی، گیس سپلائی معطل ہونے سے سرجانی ٹاؤن کے تمام سیکٹرز متاثر ہوں گے۔
اس کے علاوہ منگھوپیر، قصبہ ٹاؤن، اورنگی، نارتھ کراچی، نارتھ ناظم آباد میں بھی24گھنٹے کیلئے گیس کی فراہمی بند رہے گی جبکہ ایف بی ایریا، گلبرگ، بفرزون، سائٹ انڈسٹریل ایریا، بلدیہ میں گیس بند رہے گی۔
ترجمان نے مزید بتایا کہ اتحاد ٹاؤن, کیماڑی, گلشن معمار، احسن آباد، جنجال گوٹھ اور سپرہائی وے کے اطراف علاقوں میں گیس کی فراہمی معطل رہےگی, انہوں نے کہا کہ صارفین گیس کی عارضی بندش کے دوران متبادل ایندھن کا بندوست کرلیں۔
