کراچی: آئی جی سندھ نے گٹکا، ماوا، مین پوری اور دیگرمنشیات کے خلاف صوبائی ٹاسک فورس قائم کردی ہے۔
تفصیلات کے مطابق اس حوالے سے حکام نامہ جاری کردیا گیا ہے جس کے تحت ایڈیشنل آئی جی سی ٹی ڈی ٹاسک فورس کے چیئرمین ہوں گے۔ ڈی آئی جی اسپیشل برانچ اور ڈی آئی جی انویسٹی گیشن بھی شامل ہوں گے۔
ٹاسک فورس میں ڈی آئی جی ہیڈ کوارٹرز اور اے آئی جی آپریشنز ہوں گے جبکہ ٹاسک فورس کے ارکان ضلعوں میں ایس پی کی سربراہی میں ٹیمیں تشکیل دیں گے۔
- Advertisement -
صوبائی ٹاسک فورس ایڈیشنل آئی جی سی ٹی ڈی کی سربراہی میں گٹکا، ماوا، مین پوری اور دیگر منشیات کے خلاف کام کرے گی۔
ٹاسک فورس چھاپوں کے لیے پولیس کے کسی بھی یونٹ سے مدد طلب کرسکتی ہے۔ مقدمے کے اندراج کے بعد انویسٹی گیشن بھی ٹاسک فورس مانیٹر کرے گی۔
