جمعہ, جون 21, 2024
اشتہار

ڈریوڈ کی جگہ ہیڈ کوچ بنانے کیلئے بھارتی بورڈ نے گمبھیر سے رابطہ کرلیا

اشتہار

حیرت انگیز

بھارتی کرکٹ بورڈ نے راہول ڈریوڈ کی جگہ سابق کرکٹر گوتم گمبھیر کو بھارتی ٹیم کا ہیڈ کوچ بنانے کے لیے ان سے رابطہ کرلیا۔

میڈیا رپورٹس کے مطابق اسٹیفن فلیمنگ، رکی پونٹنگ اور وی وی ایس لکشمن کو ایک سائیڈ پر کرتے ہوئے گوتم گمبھیر وہ تازہ نام ہے جسے بھارتی کرکٹ ٹیم کا اگلا ہیڈ کوچ بنانے کے لیے بی سی سی آئی نے ان سے رابطہ کیا ہے۔

کرکٹ کی معروف ویب سائٹ کرک انفو نے بتایا ہے کہ بورڈ آف کنٹرول فار کرکٹ ان انڈیا نے سابق اوپنر سے رابطہ کیا ہے کیونکہ وہ سبکدوش ہونے والے ہیڈ کوچ راہول ڈریوڈ کا متبادل تلاش کرنے کے لیے سرگرداں ہیں۔

- Advertisement -

بھارتی بورڈ نے مبینہ طور پر ہیڈ کوچ کے عہدے کے لیے اسٹیفن فلیمنگ سے بھی رابطہ کیا تھا لیکن چونکہ یہ میعاد 2027 ورلڈ کپ تک ہوگی اس لیے نیوزی لینڈ کے سابق کپتان اس کے تیار نظر نہ آئے۔

گوتم اس وقت کولکتہ نائٹ رائیڈرز کے مینٹور کے طور پر خدمات انجام دے رہے ہیں، کوچنگ کا کوئی خاص تجربہ نہ ہونے کے باوجود انھوں نے کے کے آر اور لکھنؤ سپر جائنٹس کے ساتھ کامیاب کوچ کی حیثیت سے خود کو منوایا ہے۔

فرنچائز کے لیے کامیاب کوچنگ کے بعد اب بی سی سی آئی کی نظر ان پر پڑی ہے۔ ابھی بی سی سی آئی اور گمبھیر کے درمیان بات چیت ابتدائی مراحل میں ہیں جس کے لیے آخری تاریخ 27 مئی مقرر کی گئی ہے۔

گوتم کے ساتھ مزید بات چیت کولکتہ نائٹ رائیڈرز کے ساتھ سیزن مکمل ہونے کے بعد متوقع ہے۔ ڈریوڈ نے بی سی سی آئی کو اپنی مدت میں توسیع نہ کرنے کے اپنے فیصلے سے آگاہ کر دیا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں