تہران: اسلام آباد میں ایرانی سفیر نے گفتگو کرتے ہوئے کہا کہ گوادر اور چاہ بہار حریف نہیں دوست بندرگاہیں ہوں گی، ایران اپنی سرزمین پاکستان کے خلاف استعمال کرنے کی اجازت نہیں دے سکتا.
تفصیلات کے مطابق ایرانی سفیر کااسلام آباد میں سیمینار سے خطاب کرتے ہوئے کہنا تھا کہ ملا منصور سے متعلق خبر آئی کہ وہ ایران سے پاکستان آیا،ایران دہشت گردوں کے خلاف کسی قسم کی تمیز نہیں رکھتا،اپنی سرزمین پاکستان کے خلاف استعمال کرنے کی اجازت نہیں دے سکتے.
ایرانی سفیر مہدی ہنردوست کا کہنا تھا کہ ایران نے خود طویل عرصت تک غیر منصفانہ پابندیوں کا سامنا کیا،اُن کا کہنا تھا کہ گوادر اور چاہ بہار دونوں اہمیت کے حامل منصوبے ہیں.
اُن کا مزید کہنا تھا کہ چاہ بہار کو کسی منصوبے کے مد مقابل شروع نہیں کیا گیا،انہوں نے کہا کہ ایران پاکستان کا آزمایا ہوا دوست ہے.
یاد رہے اس سے قبل مشیر خارجہ سرتاج عزیز کا کہنا تھا کہ چینی سی پیک منصوبہ علاقائی منسلکی کا ایک اہم ذریعہ ہے.
واضح رہے کہ مشیر خارجہ کا کہنا تھا کہ علم نہیں کہ ایرانی حکام ملا اختر منصور کی بطور ولی محمد ایران میں موجودگی سے واقف تھے یا نہیں تھے.
