ریاض: سعودی عرب نے غزہ کے الأهلي اسپتال پر اسرائیل کے وحشیانہ حملے کی سخت مذمت کی ہے۔
تفصیلات کے مطابق سعودی وزارت خارجہ نے کہا ہے کہ اسرائیل کا غزہ کے اسپتال الاھلی پر حملہ گھناؤنا جرم ہے، اسپتال پر حملہ جنگی جرائم کے زمرے میں آتا ہے۔
ادھر عالمی ادارہ صحت (ڈبلیو ایچ او) نے اطلاع دی ہے کہ غزہ الأهلي اسپتال پر حملے میں بچہ علاج نہ ہونے کے باعث دم توڑ گیا، اسپتالوں پر اسرائیل کے حملے بچوں کی موت کا سبب بن رہے ہیں۔
’’میں اس وقت غزہ میں رہنے کی بجائے جہنم میں رہنا پسند کروں گا‘‘
ڈبلیو ایچ او نے بیان میں کہا کہ الاھلی اسپتال پر حملے کے بعد 50 مریضوں کو دوسرے اسپتالوں میں منتقل کیا گیا، اس حملے میں ایمرجنسی روم، لیبارٹری اور ایکسرے مشینیں تباہ ہو گئیں، عالمی قوانین کے مطابق اسپتالوں کو نشانہ بنانا سنگین جرم ہے۔
عرب میڈیا کے مطابق ایرانی وزیر خارجہ عباس عراقچی نے مصری وزیر خارجہ کو ٹیلیفون کر کے غزہ میں جاری اسرائیلی حملوں پر گفتگو کی، رہنماؤں نے جنگ بندی کے لیے سفارتی کوششیں تیز کرنے پر اتفاق کیا۔
