غزہ: ڈاکٹرز نے کہا ہے کہ غزہ میں تشویشناک مریضوں کی تعداد بہت زیادہ ہے یہاں لاکھوں لوگوں کو علاج کی ضرورت ہے۔
اسرائیلی جارحیت کا شکار ہونے والے مریضوں کا علاج کرنے والے ڈاکٹرز کا کہنا ہے کہ دھماکوں کے متعدد زخمی اور کینسر کے مریضوں کی حالت تشویشناک ہے، اس وقت لاکھوں لوگوں کو علاج درکار ہے، غزہ کے طبی نظام کو فوری طور پر فعال کرنا ضروری ہے۔
ڈاکٹرز نے کہا کہ تشویشناک مریضوں کو غزہ سے باہر نکلنے کی اجازت دی جائے، کوئی فوری اقدام نہ کیا گیا تو متعدد مریض انتقال کرجائیں گے۔
کیا امریکا نے غزہ میں مانع حمل اشیا بھیجی ہیں؟
گزشتہ دنوں غزہ میں جنگ بندی کے باوجود اسرائیلی فضائیہ نے حملہ کیا تھا، غزہ کی پٹی کے وسطی حصے میں نصیرات کیمپ کے مغرب میں ایک ساحلی سڑک پرگزشتہ روز اسرائیلی فضائیہ کے حملے میں 4 فلسطینی شدید زخمی ہوگئے۔
غیر ملکی ذرائع ابلاغ کے مطابق طبی عملے نے اس سے پہلے بتایا تھا حملے میں ایک لڑکا جان سے گیا ہے، تاہم بعد میں کہا گیا کہ زخمی ہونے والے شخص کو بچا لیا گیا۔
اسرائیلی فوج کے مطابق جنگ بندی معاہدے میں طے شدہ انسپیکشن روٹ سے باہر شمالی غزہ کی جانب بڑھنے والی ایک مشکوک گاڑی کو نشانہ بنایا گیا تھا۔
عرب ممالک نے ٹرمپ کی فلسطینیوں کو غزہ سے منتقل کرنے کی تجویز مسترد کر دیا
