غزہ میں اسرائیلی فوج کی 15 فلسطینی طبی کارکنوں کو قتل کرنے کی ویڈیو منظر عام پر آ گئی ہے۔
اسرائیلی فوج نے بربریت کا مظاہرہ کرتے ہوئے پندرہ طبی کارکنوں کو بے رحمی سے قتل کر دیا تھا، جس کی موبائل فون سے بنائی گئی ویڈیو سے اسرائیلی دعوؤں کی قلعی کھل گئی ہے۔
برطانوی میڈیا کا کہنا ہے یہ ویڈیو گزشتہ ماہ اسرائیلی فوج کے ہاتھوں شہید ہونے والے پندرہ امدادی کارکنوں میں سے ایک کے موبائل فون سے برآمد ہوئی ہے۔ ویڈیو میں دیکھا جا سکتا ہے ایمبولینسوں، فائر ٹرک اور اقوام متحدہ کی گاڑی پر ان کی پہچان کے لیے نشانات واضح طور پر موجود ہیں، ایمرجنسی سگنل والی لائٹیں بھی جل رہی ہیں۔
غزہ کی ناکہ بندی سے لاکھوں بچوں کی زندگی کو خطرہ ہے، یونیسیف
امدادی قافلے سے 2 کارکن گاڑیوں سے اتر کر اسرائیلی حملے کی زد میں آئی ایمبولینس کے قریب پہنچے تو، طبی رضا کاروں پر اندھا دھند فائرنگ کی گئی۔
غزہ پر جاری اسرائیلی جارحیت میں 50 ہزار سے زائد شہری شہید ہو چکے ہیں، ان میں کم از کم 1060 طبی کارکن شامل ہیں۔
