غزہ میں اسرائیلی بربریت کا سلسلہ تاحال جاری ہے، ایسی خطرناک صورتحال میں بعض ایسے واقعات بھی پیش آرہے ہیں جسے دیکھ کر ہر کوئی حیران رہ جاتا ہے، ایسے ہی ایک واقعے میں ایک نوزائیدہ بچے کو 9 دن بعد ملبے سے معجزانہ طور پر زندہ نکال لیا گیا۔
غیر ملکی ذرائع ابلاغ کے مطابق عمارت کے ملبے تلے سے 9 روز بعد نکالے جانے والے بچے کو طبی امداد کے لئے اسپتال منتقل کر دیا گیا ہے۔
اطلاعات کے مطابق نوزائیدہ بچہ 9 روز تک ملبے تلے زندگی اور موت کی کشمکش میں رہا، اطلاع ملنے پر ریسکیو ٹیم نے فوری ریسکیو آپریشن شروع کر دیا جس کے بعد بچے کو حفاظت کے ساتھ ملبے نکال کر اسپتال منتقل کردیا گیا۔
کویت: پاکستان سمیت 7 قومیتوں کے باشندوں کیلئے خوشخبری
واضح رہے کہ نومولود بچے کو گدھا گاڑی پر اسپتال پہنچایا گیا کیونکہ وہاں طبی امداد کے لیے ایمبولینس موجود نہیں تھی۔ اسرائیلی حملے میں نومولود بچے کا گھر مکمل طور پر تباہ ہوگیا، جبکہ اس حملے میں 30 فلسطینیوں نے جام شہادت نوش کیا۔
