راولپنڈی: چیئرمین جوائنٹ چیفس آف اسٹاف کمیٹی جنرل ندیم رضا نے تاجکستان کا سرکارہ دورہ کیا ہے۔
ڈی جی آئی ایس پی آر کے مطابق چیئرمین جے سی ایس سی نے تاجکستان کا سرکاری دورہ کیا، جنرل ندیم رضا نے تاجکستان کے صدر امام علی رحمان سے ملاقات کی۔
اس دورے کے دوران تاجکستان کے وزیر دفاع جنرل شیر علی مرزو، وزیر برائے امور داخلہ جنرل رخیموزودا رمازون سے بھی علیحدہ علیحدہ ملاقاتیں ہوئیں، تاجکستان کے قومی سلامتی کے چیئرمین اسٹیٹ کمیٹی یتیموف سائمومن کے ساتھ بھی انھوں نے ملاقات کی۔
آئی ایس پی آر کا کہنا ہے کہ ان ملاقاتوں میں باہمی دل چسپی کے مختلف امور پر تبادلہ خیال کیاگیا، دو طرفہ تعاون بشمول سیکورٹی اور انسداد دہشت گردی اقدامات پر خصوصی بات چیت ہوئی۔
CJCSC on official visit to Tajikistan, called on Mr. Emomali Rahmon, President of Tajikistan. Held separate meetings with Defence Minister, Minister of Internal Affairs& Chairman State Committee of National Security. various areas of mutual interest , bilateral cooperation (1/ 4) pic.twitter.com/udrYXfQTHx
— DG ISPR (@OfficialDGISPR) November 26, 2020
علاقائی صورت حال بالخصوص افغانستان سے متعلق امور بھی ملاقاتوں میں زیر غور آئے، دونوں ممالک کے درمیان فوجی تعلقات کا دائرہ کار بڑھانے کے اقدامات پر غور بھی کیا گیا۔
پاکستان، تاجکستان کے نکتہ نظر میں مماثلت کا پایا جانا خوش آئند ہے: وزیر خارجہ
آئی ایس پی آر کے مطابق دونوں ممالک میں گہرے تعلقات کو جاری رکھنے کے عزم کا اعادہ کیا، جنرل ندیم رضا کا کہنا تھا کہ پاکستان تاجکستان سے فوجی تعاون میں وسعت کا خواہاں ہے۔
دریں اثنا، ملاقاتوں میں تاجکستان نے دہشت گردی کے خلاف جنگ میں پاکستانی فوج کی قربانیوں کا اعتراف بھی کیا۔
