ریاض : چیئرمین جوائنٹ چیفس آف اسٹاف کمیٹی جنرل ساحر شمشاد مرزا جو سعودی عرب کے دورے پر ہیں کا سعودی عرب میں پرتپاک استقبال کیا گیا۔
سعودی وزارت دفاع کے ہیڈ کوارٹر پہنچنے پر جنرل ساحر شمشاد مرزا کو سلامی دی گئی، بعد ازاں جنرل ساحر شمشاد مرزا نے سعودی فوج کے چیف آف اسٹاف جنرل فیاض الرویلی سے ملاقات کی۔
معالي مساعد وزير الدفاع المهندس طلال العتيبي، يستقبل معالي رئيس الأركان المشتركة في جمهورية #باكستان الإسلامية الفريق أول ساهر شمشاد، ويبحثان أوجه التعاون الثنائي بين البلدين الشقيقين في المجال العسكري والدفاعي. pic.twitter.com/iOzyRmPCib
— وزارة الدفاع (@modgovksa) January 29, 2023
ملاقات میں دوطرفہ تعلقات کے استحکام، عسکری اور دفاعی شعبوں میں تعاون کے فروغ کے عزم کا اظہار کیا گیا، اس کے علاوہ ملاقات میں باہمی دلچسپی کے اہم موضوعات پر بھی تبادلہ خیال کیا گیا۔
واضح رہے کہ جنرل ساحر شمشاد عہدہ سنبھالنے کے بعد اپنے پہلے غیرملکی دورے پر سعودی عرب پہنچے ہیں۔
