اسلام آباد : وزیراعظم عمران خان نے کل 15ویں صدی کےعظیم شہر سمرقند کے دورے کو ایک شاندار تجربہ قرار دیا، آج وزیراعظم نے علم و تہذیب کے شہر بخارا کے دورے کی تفصیلات شیئر کیں ہیں۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر ازبکستان کے ایک اور تاریخی شہر بخارا کے دورہ کی تصاویز سوشل میڈیا پر شیئر کرتے ہوئے کہا کہ گزشتہ جمعے ازبکستان کے قدیم شہر بخارا کا دورہ کیا، نقشبندیہ سلسلےکےبانی کےمزار پرحاضری دی اور فاتحہ خوانی کی۔
وزیراعظم عمران خان کا کہنا تھا کہ بخارا صدیوں تک علم وادب کا مرکز تھا، چنگیزخان اسکےمینار کی بلندی سےاتنا متاثر ہوا کہ 1220ء میں جب اس نےشہر کی اینٹ سےبجائی تو اسےسلامت چھوڑ گیا۔
Ancient city Bokhara which I visited last Friday. It was the centre of learning for centuries. Changez Khan was so impressed by the height of the tower that he spared it when he sacked the city in 1220s. I also offered fateha at the shrine of founder of the Naqashbandiya silsila. pic.twitter.com/zB1y0PQ99o
— Imran Khan (@ImranKhanPTI) July 18, 2021
گذشتہ روز وزیراعظم عمران خان نے سماجی رابطے کی ویب سائٹ ٹوئٹر پر دورہ سمرقند کی تصاویرسوشل میڈیاپرشیئرکرتے ہوئےسمرقند کے دورے کو شاندار تجربہ قرار دیتے ہوئے بتایا کہ سمرقند15ویں صد ی کےآغازمیں دنیاکےعظیم ترین شہروں میں شامل تھا۔
یہ بھی پڑھیں: وزیراعظم عمران خان کے ازبکستان کے دورہ کے ثمرات نمایاں ہونے لگے
یاد رہے وزیراعظم عمران خان نے پاکستان روانگی سے قبل ازبکستان میں صوفی بہاؤالدین نقشبند کے مزار پر حاضری دی تھی ، اس موقع پر عمران خان نے کہا تھا کہ پاکستان اور ازبکستان میں نئی اور پرجوش شروعات ہو رہی ہے۔
وزیراعظم کا کہنا تھا کہ عوامی سطح پر دونوں ملکوں میں کوئی خاص رابطے نہیں تھے، سیاسی، تجارتی اور عوامی سطح پر تعلقات کی ایک نئی شروعات کر رہے ہیں، باہمی تعلقات اب مضبوط سے مضبوط تر ہوتے جائیں گے۔