برلن: جرمنی کے دارالحکومت میں ایڈونچر کے شوقین اور خطروں سے کھیلنے والے افراد کے لیے انوکھا شاپنگ مال کھول دیا گیا۔
تفصیلات کے مطابق جرمنی کے دارلحکومت میں انوکھے طرز کا شاپنگ مال بنایا گیا جہاں صارفین کو خریداری کے ساتھ ایڈونچر کی سہولیات بھی فراہم کی گئی ہیں۔
انوکھے شاپنگ مال میں جہاں روزانہ کی بنیاد پر بڑی تعداد میں خریدار آرہے ہیں وہیں خطروں سے کھیلنے والے سرپھرے نوجوان بھی پہنچ رہے ہیں۔
انڈورسرفنگ نے منچلوں کو اپنی جانب کھینچ لیا جہاں تندوتیز مصنوعی لہروں پر سرفنگ کی جارہی ہے جبکہ ماہر سرفرز اپنی مہارت کا مظاہرہ کرکے لوگوں سے خوب داد سمیٹ رہے ہیں۔
سرفنگ کے شوقین افراد ٹکٹ لے کر اپنا شوق پورا کررہے ہیں جبکہ ایڈونچرز سے دور رہنے والے صارفین کو متاثر کرنے کے لیے ایسا انتظام کیا گیا کہ وہ بالکونی میں کھڑے ہوکر آسانی کے ساتھ ماہر سرفرز کے کمالات کو دیکھ سکیں۔
ویڈیو دیکھیں
https://www.facebook.com/UNILADAdventure/videos/amazing-mall-in-germany/2027504874245656/
