جرمنی کی جانب سے پاکستان کو 45 ملین یوروفراہم کیے جائیں گے، اس حوالے سے معاہدے پر دستخط ہوگئے۔
تفصیلات کے مطابق جرمنی کی جانب سے دی جانے والی 45 ملین یورو کی رقم پاکستان میں ماحولیات کی بہتری کے پروجیکٹس پرخرچ کی جائے گی۔ دونوں ممالک کے درمیان معاہدے پر دستخط ہوگئے ہیں۔
جاری اعلامیے میں کہا گیا ہے کہ رقم ماحول دوست توانائی پر بھی خرچ ہوگی۔ رقم کا مقصد اقوام متحدہ کے بنیادی حقوق کے فراہمی کے اہداف کا حصول ہے
واضح رہے کہ معاشی اشاریے میں بہتری کے لیے اسٹیٹ بینک آف پاکستان نے بھی 64 ارب روپے کے ٹریژری بلز فروخت کیے ہیں۔ تین ماہ سے ایک سال تک کی مدت کے لیے بلوں کو فروخت کیا گیا۔
اس حوالے سے ترجمان کا کہنا تھا کہ اسٹیٹ بینک نے 3، 6 اور 12 ماہ کے ٹریژری بلوں کو فروخت کیا ہے۔
ٹریژری بلزکی فروخت کا ہدف 480 ارب روپے رکھا گیا تھا۔ ٹریژری بلز کیلئے بینکوں سے ایک ہزار 153 ارب روپے کی پیشکش ملی۔
اسٹیٹ بینک آف پاکستان کے ترجمان نے بتایا کہ ٹریژری بلز کے شرح منافع میں 6 سے 15 بیسز پوائنٹس کمی کی گئی ہے۔
علاوہ ازیں اسٹینڈرڈ اینڈ پوور ریٹنگ ایجنسی نے بھی الیکشن کے بعد پاکستان کی کریڈٹ ریٹنگ کو اپ گریڈ کرنے کا اشارہ دے دیا ہے۔
ایس اینڈ پی ریٹنگ ایجنسی کی جانب سے امکان ظاہر کیا گیا ہے کہ الیکشن 2024 کے بعد پاکستان کی ریٹنگ بہتر ہو کر ’بی‘ ہو جائیگی۔
