The news is by your side.

100سے زائد بچوں سے جنسی زیادتی، ٹیچر پر فرد جرم عائد

فرینکفرٹ : جرمنی میں سو سے زائد بچوں اور نوجوانوں کو جنسی زیادتی کا نشانہ بنانے والے ملزم کو عدالت میں پیش کردیا گیا۔

ملزم پیشے کے اعتبار سے سابق اسکول ٹیچر ہے، جس نے ان جرائم کا ارتکاب گزشتہ 23 سالوں کے دوران کیا، ملزم پر 100 سے زائد بچوں اور نوجوانوں کو جنسی زیادتی کا نشانہ بنانے کے الزام میں فرد جرم عائد کر دی گئی۔

غیرملکی خبر رساں ادارے کی رپورٹ کے مطابق 47سالہ ملزم پر 14 سال سے کم عمر بچوں سے بدسلوکی کے 64 اور 17 سال تک کے نابالغوں سے زیادتی کے35 الزامات ہیں۔

جرمن شہر فرینکفرٹ ایم مین میں ریاستی استغاثہ نے پیر کو ڈی ڈبلیو کو تصدیق کی کہ انہوں نے ایک سابق استاد پر بچوں اور نوجوانوں کے ساتھ جنسی زیادتی کے 100 سے زائد الزامات عائد کیے ہیں۔

گوٹنگن سے تعلق رکھنے والے 47 سالہ ملزم جس نام ظاہر نہیں کیا گیا ہے رواں سال جنوری سے مذکورہ مقدمے سے پہلے گرفتار ہے، اس نے ان جرائم کا ارتکاب سال1998 سے 2021 کے دوران کیا۔

جرمنی حکام پر اس کے جرائم کا انکشاف اس وقت ہوا جب امریکی حکومت کی جانب سے انٹرنیٹ پر قابل اعتراض مواد پھیلانے کے جرم میں ملوث قرار دیا گیا۔

بعد ازاں قانونی کارروائی کے دوران جرمن پولیس نے ملزم کے گھر پر چھاپہ مارا جہاں سے مختلف اقسام کا غیرقانونی مواد برآمد ہوا، چھاپے کے دوران ملنے والی یوایس بی ڈیوائسز سے ملزم کے خلاف مزید ٹھوس شواہد سامنے آئے تھے۔

Comments

یہ بھی پڑھیں