saudi سعودی عرب کے جرمنی سے تعلقات کشیدہ، سفیر کو واپس بلالیا germany
The news is by your side.

Advertisement

سعد الحریری کا معاملہ: سعودیہ کے جرمنی سے تعلقات کشیدہ، سفیر واپس بلالیا

ریاض : سعودی عرب اورجرمنی کے درمیان تعلقات انتہائی کشیدہ ہوگئے، متنازع بیان پر سعودی عرب نے احتجاج کے طور پراپنا سفیرواپس بلالیا۔

تفصیلات کے مطابق سعودی عرب کی حکومت نے جرمن وزیر خارجہ کے لبنان سے متعلق متنازع بیان پر احتجاجاً جرمنی کے دارالحکومت برلن میں تعینات سفیر کو واپس بلایا ہے۔

جرمن وزیر خارجہ سگمار گیبرئیل نے لبنانی ہم منصب سے ایک ملاقات کے دوران کہا تھا کہ سعودی عرب نے لبنان کے سابق وزیر اعظم سعد الحریری کو ان کی مرضی کے خلاف ریاض میں روک رکھا ہے۔

سعودی عرب کا کہنا ہے کہ ایسے بے بنیاد الزامات سے خطے میں استحکام کو نقصان پہنچے گا سعودی حکومت نے جرمنی کو اس متنازع اور بے بنیاد الزام پر احتجاجی مراسلہ بھی دینے کا فیصلہ کیا ہے۔


مزید پڑھیں: لبنان کے وزیراعظم سعد الحریری مستعفی ہوگئے


 واضح رہے کہ لبنان کے مستعفی وزیراعظم سعد الحریری سعودی عرب سے فرانس پہنچ گئے ہیں جہاں فرانسیسی صدر ایمانوئل میکرون نے ان کا استقبال کیا۔

قبل ازیں لبنان کے سابق وزیر اعظم سعد الحریری نے سماجی رابطے کی ویب سائٹ پر اپنے ٹوئٹر پیغام میں کہا کہ ’میرے متعلق یہ دعویٰ غلط ہے کہ میں سعودی عرب میں نظر بند ہوں، میں فرانس جانے کے لیے اس وقت ایئرپورٹ کی طرف روانہ ہو رہا ہوں‘۔

Comments

comments

یہ بھی پڑھیں