برلن: جرمنی میں انفارمیشن ٹیکنالوجی کے شعبے میں ہزاروں ملازمتوں کے مواقع موجود ہیں۔
تفصیلات کے مطابق بزنس کنسلٹنٹس ‘مک کنسی‘ نے ایک رپورٹ میں کہا ہے کہ جرمنی میں اس وقت 39 ہزار آئی ٹی ماہرين کی قلت ہے جو 2030 تک بڑھ کر 1 لاکھ 40 ہزار تک پہنچ سکتی ہے۔
ماہرین کا کہنا ہے کہ جرمنی ميں انفارميشن ٹيکنالوجی کے شعبے ميں اعلیٰ تربيت يافتہ افراد کی شدید کمی پائی جاتی ہے، اور آنے والے برسوں ميں صورت حال مزيد شدت اختيار کر سکتی ہے۔
اس حوالے سے بزنس کنسلٹنٹس ‘مک کنسی‘ نے ايک ریسرچ اسٹڈی کیا، جس ميں یہ پيشن گوئی سامنے آئی ہے کہ 2030 تک ملکی سول سروس سيکٹر ميں آئی ٹی ماہرين کی قلت ایک لاکھ سے بھی بڑھ جائے گی۔
اس سے قبل 2019 ميں ایک ریسرچ اسٹڈی کی گئی تھی، جس کے بعد سے اب تک آئی ٹی ماہرین کی کمی میں 15 في صد اضافہ ہوا ہے۔
اس ریسرچ اسٹڈی ميں اندازہ ريٹائر ہونے والوں اور نئی بھرتيوں کی موجودہ شرح پر لگايا گيا ہے، اس وقت جرمن سول سروس ميں 5.1 ملين آئی ٹی پروفيشنلز ملازمت کر رہے ہيں، جن ميں سے 15 لاکھ کے لگ بھگ 2030 تک ريٹائر ہو جائيں گے۔
