برلن: جرمنی کے دارالحکومت برلن میں تقریب کے دوران جرمن چانسلر انجیلا مرکل کی طبیعت بگڑ گئی۔
غیرملکی خبررساں ادارے کے مطابق برلن میں تقریب کے دوران جرمن چانسلر انجیلا مرکل کی طبیعت اچانک خراب ہوگئی، وہ کھڑے کھڑے کانپنے لگیں جس کی ویڈیو نے سب کو حیران کردیا۔
جرمنی کے دورے پر آئے نومنتخب یوکرینی صدر کی استقبالیہ تقریب میں ترانہ چل رہا تھا اس دوران انجیلا مرکل بری طرح کانپتی اور ہونٹ بھینچتی نظر آئیں۔
طبیعت خراب ہونے کے باوجود بھی وہ ترانہ ختم ہونے تک اپنی جگہ کھڑی ہیں جس کے بعد وہ یوکرینی صدر کے ساتھ چلی گئیں۔
German Chancellor Angela Merkel says she is "very well" again after drinking three glasses of water.
Earlier Merkel was visibly shaking as she greeted Ukrainian President Volodymyr Zelenskiy at temperatures of around 30 degrees celsius in Berlin. pic.twitter.com/uWhnW0scD7
— DW Politics (@dw_politics) June 18, 2019
رپورٹ کے مطابق برلن میں درجہ حرارت 30 ڈگری سینٹی گریڈ تک پہنچا ہوا تھا، جرمن چانسلر انجیلا مرکل کی طبیعت گرمی کی وجہ سے بگڑ گئی تھی۔
قومی ترانے کی دھن کے اختتام پر مرکل کو معاملے کی سنگینی کا احساس ہوا اور وہ سرخ قالین پر زیلینسکی کے ہمراہ تیزی سے اپنے دفتر کی جانب چل پڑیں۔
اس موقع پر جرمن چانسلر کے پیچھے موجود عہدے داران بھی تشویش میں مبتلا نظر آئے۔
بعدازاں جرمن چانسلر انجیلا مرکل کا کہنا تھا کہ ’میں نے تین گلاس پانی پیا ہے جس کے بعد طبیعت میں کافی بہتری محسوس کررہی ہوں۔’
