بالوں کی خشکی ایسا مسئلہ ہے جس کی وجہ سے نہ صرف بال تیزی سے جھڑنے شروع ہوجاتے ہیں بلکہ بال بے رونق بھی دکھائی دینے لگتے ہیں۔
یوں تو بالوں کی خشکی دور کرنے کے کئی طریقے ہیں جنہیں باقاعدگی سے آزمایا جائے تو اچھے نتائج حاصل ہوتے ہیں، آج ہم آپ کو ایک اور طریقہ بتانے جارہے ہیں۔
ماہرین کے مطابق اسپرین بالوں اور جلد کے لیے بہترین جز ہے۔ اسپرین ایسے اجزا (سیلی کائی لیک ایسڈ) سے بھرپور دوا ہے جو بیشتر خشکی سے نجات دلانے والے شیمپوز کا حصہ ہوتے ہیں۔
اسپرین کی 2 گولیوں کو پیس کر سفوف کی شکل دیں اور سر پر لگانے کے لیے جتنا شیمپو لیتے ہیں اس میں شامل کرلیں، اس مکسچر کو اپنے بالوں پر ایک سے دو منٹ تک لگا رہنے دیں اور پھر اچھی طرح دھولیں۔
اس کے بعد دوبارہ سادہ شیمپو سے سر دھوئیں، اس کا جادوئی اثر دیکھ کر آپ حیران رہ جائیں گے۔
تاہم یاد رہے کہ بالوں کی خشکی کی وجہ ناقص غذا بھی ہے لہٰذا چکنائی اور پروٹین سے بھرپور غذاؤں کا استعمال کریں اور ہفتے میں ایک سے دو بار تیل سے مساج بھی ضرور کریں۔