The news is by your side.

فیفا ورلڈ کپ کی افتتاحی تقریب میں دنیا کی توجہ کا مرکز بننے والا قطری نوجوان غانم المفتاح کون ہیں؟

دوحہ : قطر میں فیفا فٹبال ورلڈ کپ کی افتتاحی تقریب دنیا کی توجہ کا مرکز بننے والا قطری نوجوان غانم المفتاح کون ہیں؟

تفصیلات کے مطابق قطر میں فٹبال کےعالمی کپ کی افتتاحی تقریب میں اسپیشل نوجوان غانم ال مفتاح پوری دنیا کی توجہ کامرکز بن گیا۔

غانم نے وہ کچھ کر دکھایا جو ہر کسی کے بس کی بات نہیں، جب وہ معذوری سے پیدا ہوا تو ڈاکٹروں نے زندگی کی مہلت پندرہ سال دی تھی، پرغانم جیتا رہا، جیتتا رہا۔

غانم ال مفتاح نے لف برا یونی ورسٹی سے پڑھا، بزنس اور کھیل میں نام کمایا، دستانے پہن کر فٹبال کھیلی ، سوئمنگ کی۔

اسپیشل نوجوان نے اپنی ائسکریم فیکٹری قائم کی، موٹی ویشنل تقریروں سے دل پگھلائے اور معذرووں کی فلاح کا کام شروع کیا۔

قطر کی جانب سے فٹبال ورلڈ کپ کی افتتاحی تقریب کے لئے غانم ال مفتاح کو سفیر بنایا گیا ، غانم کو ہالی ووڈ اسٹار مورگن فری مین کے سامنے بٹھایا، مورگن قطر کی عالمی کپ کا مخالف تھا لیکن اسے بھی غانم نے اپنا بنا لیا۔

غانم خلیج کی سب سے اونچی چوٹی جبل شمس تک گیا، عالمی کپ میں کھیلوں کی دنیا میں امر ہوگیا، غانم قطر کا وزیر اعظم بننا چاہتا ہے اور اس نے اس کی جانب پہلا قدم اٹھالیا ہے۔

Comments

یہ بھی پڑھیں