پاکستانی اداکار اور میزبان آغا علی نے انکشاف کیا ہے کہ ان کے گھر میں کام کاج کے لیے کوئی ملازم نہیں ہے، وہ اور ان کی اہلیہ اداکارہ حنا الطاف ہی گھر کے سارے کام کرتی ہیں۔
اے آر وائی ڈیجیٹل کے پروگرام ’شان سحور‘ میں شوبز جوڑی حنا الطاف اور آغا علی نے شرکت کی اور میزبان ندا یاسر کی جانب سے پوچھے گئے مختلف سوالات کے جوابات دیے۔
گھر کے ملزمہ کے حوالے سے سوال پر آغا نے بتایا کہ ہمارے گھر برتن دھونے، کھانا پکانے، صفائی اور استری کے لیے کوئی ملازم نہیں ہے ہم خود اپنے گھر کو صاف رکھتے ہیں۔
حنا الطاف کو آغا علی کتنی عیدی دیتے ہیں؟
اداکار آغا علی نے کہا پم خود ہی مشین میں کپڑے دھوتے ہیں، میں کھانا پکاتا ہوں، یہ کام میرے ذمے ہے، افطار اور سحری بنانے کا 90 فیصد کام میں ہی کرتا ہوں، اس کے علاوہ صفائی وغیرہ حنا دیکھتی ہے۔
اداکارہ حنا الطاف نے بات کو جاری رکھتے ہوئے کہا کہ اگر بیچ میں شوٹ چل رہی ہو اور ہم میں سے کسی ایک کی 2 یا 4 دن کی چھٹی ہو تو وہ پھر گھر کے کام وغیرہ وہ کرتا ہے جو گھر میں رہتا ہے، اپنے گھر کے کام کرنے سے زیادہ خوبصورت اور کوئی بات ہے ہی نہیں۔
آغا نے کہا ہم اپنا باتھ روم بھی خود ہی صاف کرتے ہیں، سحری کے فوری بعد ہی ہم اپنا باتھ روم صاف کرلیتے ہیں اور پھر دیگر صفائی بھی ہوجاتی ہے۔
