معروف گلوکار سجاد علی کے گھر میں کس چیز کی پابندی ہے؟ جانئے ان کی زبانی۔
تفصیلات کے مطاقب پاکستان کے مشہور و معروف گلوکار سجاد علی اپنی بیٹی زاو علی کے ہمراہ آج اے آر وائی ڈیجیٹل کے پروگرام ‘ گڈ مارننگ پاکستان’ کے مہمان بنے، جہاں انہوں نے اپنے کیریئر سمیت مختلف سوالات کے جوابات دئیے۔
پروگرام کی میزبان ندا یاسر کی جانب سے سجاد علی اور ان کی بیٹی زاو علی سے سوال کیا گیا کہ گھر میں کس چیز کی پابندی ہے؟ جس پر سجاد علی نے بتایا کہ ہمارے گھر میں جھوٹ بولنے پر سخت پابندی ہے، گھر میں جھوٹ بولنے کا سین نہیں ہے۔
زاو علی نے اس سوال کا جواب دیتے ہوئے کہا کہ چھپ کر کچھ کرنا ہمارے گھر کا اصول نہیں ہے، اگر کوئی بات ہوبھی جاتی ہے تو والد اور والدہ کو سامنے بٹھا کر انہیں تمام معاملات سے آگاہ کرتی ہوں ۔
یہ بھی پڑھیں: گلوکار سجاد علی کا نیا گانا پردیسیوں کے نام
ندا یاسر کی جانب سے سوال کیا گیا کہ بچوں کی باتوں میں جلدی کون آتا ہے؟ جس پر سجاد علی نے معصومانہ انداز میں کہا کہ میری بیوی جلد ہی بچوں کے کہنے میں آجاتی ہے، وہ بہت معصوم ہیں۔
