کراچی : کےالیکٹرک کی جانب سے گھارو پمپنگ اسٹیشن اور فلٹر پلانٹ پر کیبل اور سی ٹی فالٹ کی وجہ سے شہر میں پانی کی فراہمی متاثر ہونے کا امکان ہے۔
اس حوالے سے ترجمان واٹر کارپوریشن کا کہنا ہے کہ کیبل اور سی ٹی فالٹ آج صبح 10 بج کر 35 منٹ پر ہوا، 12گھنٹے سے زائد وقت گزرنے کے باوجود تاحال فالٹ صحیح نہیں ہوسکا۔
ترجمان نے بتایا کہ کےالیکٹرک فالٹ کے باعث گھارو پمپنگ اسٹیشن مکمل طور پر بند ہے، گھارو پمپنگ اسٹیشن سے شہرکو یومیہ30ایم جی ڈی پانی فراہم کیا جاتا ہے۔
واٹرکارپوریشن ترجمان کے مطابق گھارو پمپنگ اسٹیشن کی بندش سے پورٹ قاسم، بن قاسم ٹاؤن، شاہ فیصل ٹاؤن اور پی این ایس مہران کے علاقے متاثر ہونگے۔
اس کے علاوہ پی اے ایف بیس فیصل اور کارساز کے علاقوں میں بھی پانی کی فراہمی متاثر ہوگی۔
