گھوٹکی میں ڈاکوؤں نے حفاظتی بند پر قائم پولیس چوکی 64 پر حملہ کردیا جس کے نتیجے میں2 پولیس اہلکار شہید ہوگئے۔
تفصیلات کے مطابق کچے کے پولیس تھانہ آندل سندرانی کی حفاظتی پولیس چوکی نمبر 47پر ایک درجن سے زائد ڈاکووں کا حملہ جدید اسلحہ سے فائرنگ کے نتیجے میں دو پولیس اہلکار شہید ہوگے۔
ایس ایس پی سمیر نور کا کہنا ہے کہ شہید ہونے والے اہلکاروں میں ظہیر تھیم اور قادر مہر شامل ہیں، واقع کی اطلاع پر پولیس کی بھاری نفری ڈاکوؤں کے تعاقب میں روانہ ہوچکی ہے۔
ایس ایس پی گھوٹکی سمیر نور چنہ کے مطابق مقابلے میں ڈاکوؤں کے زخمی ہونے کی اطلاعات ہیں دوسری جانب حملے میں شہید پولیس اہلکاروں کی نعش پوسٹ مارٹم کے لئے گھوٹکی کے تعلقہ اسپتال منتقل کی جارہی ہیں۔
