گھوٹکی کے علاقے اوباڑو میں کتے کے کاٹنے پر ویکسین نہ ملنے سے7سال کی بچی دم توڑ گئی۔
ورثا نے الزام عائد کیا ہے کہ بچی کو زخمی حالت میں اوباڑو اسپتال منتقل کیا گیا مگر ویکسین نہیں لگائی گئی، اسپتال عملے نے بچی کو ویکسین لگائےبغیر گھر بھیج دیا۔
زخمی بچی ویکسین نہ لگانے اور مکمل علاج نہ ہونے پر زندگی کی بازی ہار گئی۔
- Advertisement -
بچی کے فوت ہونے کے بعد اسپتال عملے نے غفلت چھپانے کیلئے ویکسین لواحقین کو لگا دی۔ اسپتال عملے کا کہنا ہے کہ احتیاطی طور پر بچی کے والدین کو ویکسین لگائی گئی ہے کیونکہ اہل خانہ کے جسم پر بچی کے ناخنوں کے نشان موجود تھے۔
والدین نے اسپتال انتظامیہ کی غفلت اور بروقت علاج کی سہولت میسر نہ ہونے پر اعلیٰ حکام سے نوٹس لینے کا مطالبہ کرتے ہوئے ذمہ داروں کے خلاف کارروائی کا مطالبہ کیا ہے۔
