The news is by your side.

جی ایچ کیو نے پریڈ گراؤنڈ میں عمران خان کے ہیلی کاپٹر کو اترنے کی اجازت دے دی

راولپنڈی : جی ایچ کیو نے پریڈ گراؤنڈ عمران خان کے ہیلی کاپٹر کو پریڈ گراؤنڈ میں اترنے اور دوبارہ اڑنے کی اجازت دے دی۔

تفصیلات کے مطابق لانگ مارچ کی قیادت کیلئے عمران خان کی بذریعہ ہیلی کاپٹراسلام آباد آمد کے معاملے پر جی ایچ کیو نے پریڈ گراؤنڈ میں ہیلی کاپٹر کی آمد و روانگی کی اجازت دے دی۔

تحریک انصاف اسلام آباد کے صدر علی نواز کا کہنا ہے کہ پی ٹی آئی کو باضابطہ طور پر جی ایچ کیو کے فیصلے سے آگاہ کر دیا گیا ہے۔

علی نواز اعوان نے کہا کہ وفاقی حکومت الرٹس کے مطابق عمران خان کی سلامتی کو خطرات ہیں، عمران خان کی مارچ میں بحفاظت شرکت کیلئے ہیلی کاپٹر کا استعمال اہم ہے۔

پی ٹی آئی رہنما کا کہنا تھا کہ جی ایچ کیواین او سی کےبعدحکومت کےپاس رکاوٹ ڈالنےکاکوئی جوازنہیں، جی ایچ کیومراسلے کے بعد وفاقی حکومت بہانہ سازی ترک کرے۔

علی نواز اعوان نے مطالبہ کیا کہ حکومت پریڈ گراؤنڈ میں ہیلی کاپٹر کی آمد و رفت کی اجازت دے۔

Comments

یہ بھی پڑھیں