اسلام آباد : پاکستانی فوج نے خیبر پختونخواہ اور پنجاب میں انتخابات کے لیے سیکیورٹی فراہم کرنے سے معذرت کر لی ہے۔
تفصیلات کے مطابق حکومت نے پنجاب اورخیبرپختونخوااسمبلیوں کے عام انتخابات میں پولنگ اسٹیشن پر تعیناتی کیلئے فوج اور رینجرز اہلکار دینے سے معذرت کرلی۔
وزارت داخلہ نے الیکشن کمیشن کوجی ایچ کیو کےجواب سےآگاہ کردیا ، وزارت داخلہ کے الیکشن کمیشن کو خط میں پشاوربم دھماکے کا بھی تذکرہ کیا ہے۔
وزارت داخلہ نے خط میں کہا ہے کہ حالیہ دہشت گردی واقعات کےبعدسیکیورٹی صورتحال ٹھیک نہیں، سیکیورٹی فورسز دہشت گردی سے نمٹنے میں مصروف ہیں۔
خط میں بتایا گیا کہ آپریشن کے باعث سیکیورٹی اداروں کو کہیں اور لگانے کی گنجائش نہیں،دہشت گردگروپ نےسیاسی جماعتوں کوکھلےعام حملوں کی دھمکیاں دیں، انتخابی مہم کے دوران دہشت گردی کے واقعات رونما ہونے کا خدشہ ہے۔
وزارتِ داخلہ کو مراسلے میں جی ایچ کیو نےلکھا ہے اس وقت مردم شماری کیلئے سیکیورٹی فراہم کی جارہی ہے۔۔ پاک فوج ، رینجرز اور ایف سی اہلکار دہشت گردی کے خدشے کے پیش نظر سیکیورٹی پر مامور ہیں۔
خط میں کہا گیا کہ ضمنی انتخابات یا عام انتخابات کیلئے تعیناتی ممکن نہیں، البتہ راجن پور ضمنی انتخاب کیلئے رینجرز بطور کوئیک رسپانس فورس دی جاسکتی ہے۔
