کراچی : وفاقی وزیر برائے ہوا بازی غلام سرور خان نے کہا ہے کہ سیاحت کے فروغ کے لیے سی اے اے نے ٹی پی آر ائی لائسنس متعارف کرادیا ہے، وزیراعظم کے وژن کے مطابق ایوی ایشن اپنا بھرپور کردار ادا کر رہی ہے۔
یہ بات انہوں نے اجلاس سے خطاب کرتے ہوئے کہی۔ تفصیلات کے مطابق وفاقی وزیر برائے ہوا بازی غلام سرور خان کی صدارت میں ایوی ایشن ڈویژن کا اہم اجلاس ہوا۔
اجلاس سے خطاب کرتے ہوئے وفاقی وزیر نے کہا کہ سیاحت کے فروغ کے لیے سی اے اے نے ٹی پی آر ائی لائسنس متعارف کرادیا ہے، وزیراعظم عمران خان کی سیاحت کے وژن کے مطابق ایوی ایشن ڈویژن اپنا بھرپور کردار ادا کر رہی ہے۔
انہوں نے کہا کہ سی اے اے کے نئے لائسنس کو ٹورزم پروموشن اینڈ ریجنل انٹیگریشن کا نام دیا گیا ہے، سی اے اے نے ایئر آپریٹرز کے لائسنس کے اجراء اور تجدید کے نظر ثانی شدہ تقاضے جاری کر دیئے ہیں،۔
مزید پڑھیں: سول ایوی ایشن نے سیاحت کے فروغ کیلئے ٹی پی آر آئی لائسنس متعارف کرادیا
نئے تقاضوں کے مطابق ایئر آپریٹرز سرٹیفکیٹ کی اقسام 3 سے بڑھا کر 4 کر دی گئی ہیں، غلام سرور خان کا مزید کہنا تھا کہ اس لائسنس کے لیے کمپنی کو ایس ای سی پی سے مربوط ہونا چاہیے،سول ایوی ایشن اتھارٹی نے وزیراعظم کے سیاحت کو فروغ دینے کے لیے یہ قدم اٹھایا ہے۔
