اسلام آباد : وفاقی وزیر پٹرولیم وقدرتی وسائل غلام سرور خان کا کہنا ہے کہ پاکستان گوادرکو نہ صرف معاشی مرکز بلکہ تیل کا شہر بنانے کا بھی خواہاں ہے۔
تفصیلات کے مطابق وفاقی دارالحکومت اسلام آباد میں وفاقی وزیرپٹرولیم وقدرتی وسائل غلام سرور خان سے چینی سفیر یاؤژنگ نے ملاقات کی۔
چینی سفیر نے ملاقات کے دوران پاکستان میں تیل اور گیس کی پائپ لائن بچھانے اور کھدائی کے لیے بنیادی ڈھانچے کے قیام میں تعاون کی پیشکش کی۔
چین کے سفیر یاؤژنگ نے پاکستان بھر میں فنی تربیت مراکز قائم کرنے کی بھی پیشکش کی۔
اس موقع پر وزیرپٹرولیم وقدرتی وسائل غلام سرور خان نے تیل صاف کرنے کا کارخانہ قائم کرنے میں گہری دلچسپی ظاہر کی اور کہا کہ پاکستان گوادر کو نہ صرف معاشی بلکہ تیل کا شہر بنانے کا بھی خواہاں ہے۔
سی پیک سے متعلق میرا بیان سیاق و سباق سے ہٹ کر پیش کیا گیا: مشیرتجارت
یاد رہے کہ گزشتہ روز مشیر تجارت عبدالرزاق داؤد نے فنانشل ٹائمز کی سی پی سے متعلق خبرکی تردید کرتے ہوئے کہا تھا کہ ان کے بیان کو سیاق و سباق سے ہٹ کر پیش کیا گیا۔
عبدالرزاق داؤد کا کہنا تھا کہ چین کو آگاہ کیا گیا تھا کہ سی پیک ہماری قومی ترجیح ہے اور رہے گی۔ چینی وزیرخارجہ نے بھی دونوں ممالک کے لیے سی پیک کی اہمیت پرزوردیا تھا۔
وزیراعظم عمران خان نے نجکاری، سی پیک اور توانائی کمیٹیاں تشکیل دے دیں
واضح رہے گزشتہ ہفتے 4 دسمبر کو وزیراعظم عمران خان نے کابینہ کی نجکاری، سی پیک اور توانائی کمیٹیاں تشکیل دی تھیں۔
