The news is by your side.

Advertisement

3 کروڑ ڈالر سے زائد قیمت رکھنے والے ہیرے کی نمائش

دنیا کے ایک بڑے سفید ہیرے کو، جسے دی راک کا نام دیا گیا ہے، نیلامی سے قبل گزشتہ روز پہلی بار دبئی میں نمائش کے لیے پیش کیا گیا۔ توقع کی جا رہی ہے کہ یہ ہیرا 3 کروڑ ڈالر سے زائد قیمت میں نیلام ہوجائے گا۔

آکشن ہاؤس کرسٹیز نے بتایا کہ ناشپاتی کی شکل کا 228 اعشاریہ 31 کیرٹ کا یہ ہیرا جو 20 سال قبل جنوبی افریقہ کی ایک کان سے نکالا اور پالش کیا گیا تھا، نیلامی کے لیے آنے والا اب تک کا سب سے بڑا سفید ہیرا ہے۔

کرسٹیز کے مطابق سفید ہیرا دی راک دبئی میں 26 سے 29 مارچ تک نمائش کے لیے پیش کیا جائے گا۔ ڈیبیو کرنے کے بعد اسے تائی پے، نیویارک اور جنیوا لے جایا جائے گا جہاں 11 مئی کو اس کی نیلامی ہوگی۔

کرسٹیز کے زیورات کے بین الاقوامی سربراہ راہل کیڈکیا کا کہنا ہے کہ مشرقِ وسطیٰ میں ہمیشہ سے ہی اہم جواہرات اور قیمتی پتھروں کے بڑے قدر دان موجود رہے ہیں، اسی وجہ سے ہم نے سوچا کہ ایک ایسے خطے میں اس ہیرے کو لانچ کرنا ہمارے لیے اچھا ہوگا جہاں اس قسم کے اہم جواہرات کو جمع کرنے والے عظیم کلیکٹرز موجود ہیں۔

Comments

یہ بھی پڑھیں