The news is by your side.

Advertisement

گلگت بلتستان کا بچہ دنیا کے لیے نئی امید بن گیا

سماجی رابطے کی ویب سائٹ پر گزشتہ دنوں ایک بچے کی ویڈیو وائرل ہوئی جس میں وہ برف پوش پہاڑوں کے درمیان مزے سے ثقافتی رقص کررہا تھا۔

اقوام متحدہ کے ادارہ برائےاطفال یونیسیف نے گزشتہ روز اس ویڈیو کو شیئر کیا اور بتایاکہ پہاڑوں میں محو رقص کرنے والے بچے کا نام محمد ہے جس نے ہمیں یاد دلایا کہ لاک ڈاؤن میں رقص منسوخ نہیں ہوا، ہمیں آگے بڑھتے جانا ہے۔

عالمی ادارہ صحت (ڈبلیو ایچ او) کے سربراہ ٹیڈروس نے یونیسیف کی شیئر کردہ ویڈیو کو ری ٹویٹ کیا اور محمد کے لیے نیک خواہشات کا اظہار کیا۔ انہوں نے لکھا کہ ’تم پر خدا کی رحمت ہو‘۔

یونیسیف کی شیئر کردہ ویڈیو کو چوبیس گھنٹے سے بھی کم وقت میں 5 لاکھ 58 ہزار سے زائد صارفین نے دیکھا اور 5 ہزار 700 سے زائد نے اسے شیئر (ری ٹویٹ) بھی کیا جبکہ 19 ہزار سے زائد نے اسے پسند کیا اسی طرح سیکڑوں صارفین نے بچے کو سراہا۔

Comments

یہ بھی پڑھیں