گلگت/ بلتستان / پشاور : ملک کے با لائی علاقے شدید سردی کی لپیٹ میں ۔زلزلے سے متاثر علاقے متاثر،وسطی کرم میں جلانےوالی لکڑی کی قیمت آسمان سے باتیں کرنے لگی۔
ملک کے با لائی علاقے شدید سردی کی لپیٹ میں ہیں محکمہ موسمیات کے مطابق آئندہ چوبیس گھنٹے زلزلہ سے متاثرہ خیبر پختونخوا، بالائی فاٹا اور گلگت بلتستان میں موسم ابرآلود رہنے کا امکان ہے۔
دیامر کے پہاڑوں پر وقفے وقفے سے برفباری کا سلسلہ جاری ہے جس سے سردی مزید بڑھ گئی ہے، زلزلہ سے متاثرہ علاقوں میں موسم کی سختیاں زلزلہ متاثرین کے لیے کسی امتحان سے کم نہیں۔
سخت سرد ی اور ناکافی سہولیات بچو ں اور بڑوں میں مختلف قسم کی موسمی بیماریوں کا باعث بن رہی ہے ۔
سردی کی شدت کو کم کرنے کے کیے جلائے جانے والی لکڑی کی قیمت سردی بڑھنے کے ساتھ مہنگی ہوتی جارہی ہے،جس سے زلزلہ متاثرین کی مشکلات میں مزید اضافہ ہوگیا ہے۔
