برطانیہ میں گھر سے 10 سالہ بچی کی لاش برآمد ہوئی ہے۔
غیرملکی خبررساں ادارے کی رپورٹ کے مطابق پولیس نے دس سالہ بچی کی موت کے بارے میں اپ ڈیٹ جاری کی ہے جو پیر کی سہ پہر ویسٹ مڈلینڈز کے قصبے میں مردہ پائی گئی تھی۔
بچی کی شناخت ’شی‘ کے نام سے کی گئی جو رات 12 بجکر 10منٹ پر برمنگھم راولی ریجس کے گھر میں زخمی حالت میں پائی گئی تھی۔
پیرا میڈیکس کے جائے وقوعہ پر پہنچنے کے بعد بچی کی موت کی تصدیق ہوئی۔
بچی کے قتل کے شبے میں 33 سالہ خاتون کو گرفتار کیا گیا جس سے پولیس کی پوچھ گچھ جاری ہے۔
رپورٹ کے مطابق پولیس نے جائے وقوعہ کو گھیرے میں لے کر بچی کے قتل کی تحقیقات شروع کردی ہیں۔
ویسٹ مڈلینڈز پولیس کا کہنا ہے کہ خاتون حراست میں ہے جس کسی کو واقعے کے بارے میں معلومات ہوں وہ رابطہ کرکے آگاہ کرسکتے ہیں۔
